Friday, November 4, 2016

Puonj Bikira Maria, Legion Maria: Wuoguru Oko Uwinja




1.       Bikira Maria ne ofwenyore e piny Luo, Afrika, Kenya, kaka dhako. Nowuoyo kod oganda maduon’g mag jodongo kod mon gi nyithindo e wi Got Kwer, Kalafare.


2.      Nowacho ni: “Jodongo Wuoguru oko mondo uwinja, mon gi nyithindo winja uru. Jok mawuok Afrika ma Masawa kod mawuok Milambo, nyaka moa Yimbo gi Ugwe, chikna uru itu maber.

3.      An ema thuol ne okedo koda ka adwaro nyuolo Wuoyi. Wuoyi ni nomi jorotenge mag Afrika. En e ler Nyasaye gi duon’g ne.

4.      An ema anyono dwe e tienda kendo aruako wan’g chien’g. Osimbo ma Wuora ne omiya kendo osidhona, Sulwe apar gi Ariyo ema oluoro.

5.       Neuru asenyuolo Wuoyi kendo Nyasacha oume gi duon’g ma thuol ok nomuonye! Enolo ruodhi mag piny duto gi odunga ma otin’go e lwete.

6.      Thuol malich no ne okedo koda ka muoch kaya, to Malaika mag Wuoro ne okedo matek mokonya.

7.       An aluorora e piny ahinya ka asandora. Koth ne goya, chien’g bende ne chama ka aluoro piny. Ji man’geny norwaka e miechgi to moko bende ne riemba. Ji ne luonga ni min Omolo ka Nyunja.

8.      An ema piny ne luonga ni min Omolo ka Nyunja cha. Ee, agolo Mesa oko ei Katholik, Mesa ma Legion, some uru.”