Wednesday, February 17, 2016

Puonj Simeo Melkio, Nazareth Mission: Simeo Wuod Nyasaye


Saa 5:09 Otieno

Kenya e Polo

1.       Oyawore uru uduto!
2.       Kenya wa ni, duto e piny mangima, en e polo kuma dhano odakie kod Nyasaye.
3.       Ber ahinya; ober ahinya; emomiyo kik ukethi e pinyka kata achiel mondo un bende udhi umor e polo kuno.
4.       Ka iseng’eyo adier ni timbeni dongo-dongo (richo) ei pinyka, to kik idhi ichandie Nyasaye gi wach moro.

Gima Nomiyo Oor Simeo

5.       Kendo kik iketh gimoro gi chunyi kata gi ringri e nyim Nyasaye.
6.       Nimar an ne oora mondo abi anyisu kendo akweru timbe maricho nyaka chien’g higni gi higni, amen.
7.       Mano ema noora mondo abi anyisu.

Simeo Oor Gi Nyasaye Wuon

8.       An ne ok aorora kenda, ne oora gi ng’at machielo, en Wuora.
9.       Rituru rembu (ringreu), gi lwetu, to gi tong wengeu maber.
10.     To kik uwe lamo Nyasaye; kendo herreuru mondo ubed motegno.

Ka Wuora Donjo Yom, Ok Tek

11.     Ka Wuora yom, ok tek.
12.     Koro akia ni chunyu to paroe an’go?
13.     Tek ne ng’ama ok owinjore, to yom ne ng’ama owinjore, ma ofuwo, ma oyie; mano ema oelone hawi.

Simeo Ok Obiro Ketho Chikewa

14.     An ne ok abiro ketho chikeu duto mane uloso kata mane useguro, to kaka ne owachna, abiro mana guro wigi (chopogi). Mana mano kende.
15.     Kendo unuwuoth mana e lege, kama mbithe madongo-dongo emachikore, to yie uru mana Jesus Kristus mondo ogolu e masira. Ng’ama oyie enokwo e masirano; nobarnego.
16.     Jesus Kristus owacho ni en e yo, en a ngima. Emomiyo awacho ni chuodho motow gi remo en ok ong’eyo gimoro.

Simeo Ok Mar Pinyni

17.     An ok an mar pinyni. An ng’at moa e polo.
18.     To de abed mar pinyni, de uyie koda nyaka nyithindu.
19.     To ok uyie wechena adier nimar an awachonu ni an e wuod dhano ma oor mondo obi opuonj wach ma adier e pinyka.

Bolrruok Ema Idonjogo E Polo

20.     Ka Wuora idonjoe gi dhok mamuol, kendo onge wan’g maneno achoma; ooyo mano jakuo.
21.     Emomiyo koro chien’g moro nihang wach nang’o? To Ruoth mondo okechwa nimar wan joketho.

Simeo Ngima Mar Polo

22.     An ok an ngima mar pinyni, ma omiyo (dan’g) ukwaya chiemo mar pinyni.
23.     To ka ukwaya chiemo to chiemogo eeki-gi.
24.     Jesus Kristus owachonu kaka awachoni; magi e chiemo, ngeche ni ma e ringra kendo ma e remba; chamuru ma e chiemo ma adieri ma onge miganga (kendo) ma ka ichamo to anachieri.

Simeo En Jesus Kristus

25.     An Jesus Kristus adieri chuth, mane ochier oa kuom jok motho.
26.     To awachonu; rituru lewu mondo kik oteru kar tem. Lep en fuoni matin to omiyo dendi gi chunyi wan’g e mach maoktho.
27.     Ng’at ma ja miriambo ok donji e dho rangajwa; e pondwa kae.
28.     To ng’ama onge wach moro to donjo maonge pingo kata achiel.
29.     To gima mondo anyisu; dala gi Simeo ok donjie kod uchafu; ler kende.
30.     Kata dala gi Alexius bende ok donjie ka ionge kod otiko, chilo onge. Gi dalagi gi Justina udi beyo ahinya to ok donjie ma onge otiko.
31.     Jesus Kristus ok odagi wach ng’ato to mak mana niya; ritri ahinya in iwuon; rit lewi, tiendi, lweti, wan’gi nyaka ringri ma iye eka Jesus noyie kodi.
32.     Dala gi Agatha idonjoe gi otiko, to bende ok inyal donje gi dwanyruok. Kuro idonje gi otiko to gi chuny maler; nyaka ibed ng’ama ler to gi otiko.

Polo Nigi Wuongo

33.     Polo ni gi Wuongo morite; iluonge ni Nyasaye, to ero ahulonu kite.
34.     Nyasaye en dhano; to ka useneno Jesus Kristus en e Nyasaye achielno.
35.     Kendo kik uwuor ni Nyasaye onge e kanyakla-achiel gi dhano; en odak machiegni kod dhano ahinya; dhano mane ochweyo kaka en.
36.     Jesus Kristus owacho ni koth machwe kod chien’g marieny mago meke te; onge gir ng’ato kata achiel.
37.     Kata mana mudho malil tititi, ni mano mare. In dhano ionge gi moro e lweti, in nono.
38.     Kane achweyi, ne achweyi maber ka ne aheri.
39.     To ne akweri niya; yaye nyathina, kik imule chilo, kik ikawe chilo iol kuomi. Bed ka iyo nyango e larona ka (kendo) ka isetieko oyo nyango, koseromi, to iduogi idonj mana e odi ka iywe ayweya.
40.     To ne itamori; iseketho.