Thursday, April 28, 2016

Puonj Simeo Melkio, Zeituni Bardin’g 26/8/1981




Part 1

Aserawo ka D.C.

1.       Oo, oyawore uru uduto? (oyawore). Oyawore uru uduto kendo? (oyawore).
2.       A, ero Aserawo ka D.C. To owacho maber ni lemuru alema ma onge siasa moro. To an bende akwere ni onge siasa, lemo kende e mara.
3.       Weche moko to ogadho kanyo, ni kia ni usiku ndio mbaya, to kanyo bende ayie-ayieya e wan’ge ni ndiyo, mano kare.
4.       To an e koro ka abiro jiwo Fanjili ei usiku, ni nogo-no wan’g obi ogoya-agoya mana e dalana ka.
5.       Dala n’gato bende ok iswage gi adhon’g? Bura di loye ni to nade? Dalano en par serikal? Ni ooyo. To kanyo en par jo kanye? Par jo Legion. To Jo Legion gi eki dala gi? Ni ee, in e wuon makosa.
6.       To Okola to a onge kuro, emomiyo aa yiene arudha kamano ero; ni ndio, ee. To koro an bende koro ayaro thuoka mana gi pacho ka; obi wan’g to gipuoda; ni ii—ee—an’geyo, a chuo be rom te, mana kamano.

Dhano ok Buoga

7.       Oo, abedie uru piny matin mondo anyisu wach ma Nyasaye bende o-ora go matin kidogo.
8.       Mago to an ok alam wadwa moro, alamo ruoth kende—Yesu. Dhano to ok buoga; ng’ama buoga en Nyasaye ng’at achiel; ee chik ni mit bas to awinjo.
Chien’g Dokna, Anawuog Gi Manyatta
9.       Erokamano nyikwa Adam. Chien’g ma anadhi dala mar, ee Yesu, anadar gi Manyatta kacha-chaa.
10.     Gima awinjo achako ajiwo—ni mondo walem matek; lemo kende.

Mach Nitiere e Lwetu Uwegi

11.     Nikuop Jesus dwa ketho pinye ni gi mach, to mach nitie e lwetu uwegi; joma on’geyo loso, mach nitie e lwetu uwegi.
12.     Ujoma ohero mach ma ji budho godo e ofis jokabwana kagi—a—a opon’go piny. A, ero ugombo mach, to mach ero biro.
13.     Owacho maber ni mondo walem-alema mos maber. To walem matek nikech piny polo chiegni. Yor polo diny; yor mach maoktho lach moloyo.

Jaricho Otim Dwache Te

14.     To ojiwo ahinya ka onyiso Sheria ni: n’gama on’geyo ni en japiny ni otim dwaro ne tetete. Wiye kik wilgo yawa kata achiel. E kaka awinjo onyisa.
15.     To ka in’geyo ni iwendo (e piny) ka wuod wegi kama; in wendo kiny saa kama igoyo bul e liendi; ka in ja Legion to itimo yueyo maokrum e liendi, ni walem; bas koro ing’e chon ni chak chon.
16.     Timbe ni duto tetete ma yande itimo kawuono logie (wegi).
17.     Kata yande idhako, in gi chuori to imilaya, ihero mana chuo to chuori to in’gogo gi dhogi; ee Nyasaye bende owacho ni tim matek, tim matek nikuop pinyni eni pinyi ok inidar. Kidar to ifuwo. Dhako moweyo chuore goyiem!
18.     Dichuo bende mokawo chiege on’gogo ni bwe, ka ng’at ma on’gogo ng’ok ma oya e iye, kik itho. To ne ichandori ikawo chiegi no owadwa; in’giewe ka pod onyako bende iketho ne heshima dalagi; tinde ka orach ni iriembo go. To kik itho; in bende ka itho to wachni, imany mana pondi kuma iriembe ji.
19.     Kata in dhako ma ohero chuo to in kod chuori; ee chuo muwuondorugo. Nyako we ketho nyakati (seche) magi nono kayiem. Yie mondo dichuo onyuomi inyuol nyoti gi e ot dipo ka ikwano. Ok ni ma chuori-machuori to ma bende berni, ooyo. We ketho nyakati. Chutho initho idhi e mach maoktho—ibed kuro—ma e gima aluwo ni.
20.     Adwa loso katholika, ni kon’go, jok moko dok e kon’go e thurwaka, jok moko bende ohero akwede. Ja akwede, in ja akwede to kik itho, kitho dan’g rach (nikech) piny polo kucho ok en mari, en mar jok mofuwo migweyo gi tielo, misiemo wan’ge gi bunde.
21.     (Polo en mar) jok mofuwo misiemo wan’g gi garunge ni lin’g abiro toyo wiyi gi rungu—bas mago jok mofuwo. Olin’g kimia kama panya ni i—nikuop on’geyo mana ni ofuwo e an’go? E kind Oganda.
22.     Jobeyo odage te, nyaka jok ma nyiri mabeyo tetete odage duto tete, en ng’ama ofuwo, orach. To piny polo bende okiye—ka otho ni-i, bas, iromone gi dhano kundi, dhano oganda makwar e gima nyocha aneno gi wang’a.

Rwak Michiwo ne Jok Madonjo E Polo

23.     Nyapiere otho ka an kama olan’g yuagore (ne) malich mokadho—sauti mar kingele ywak yare tun’g piny nyaka tun’g piny ma ikia ni en cha oywak kure. Kingele! Kingele ywak malit; olan’g ywak maa—mbom, mbom; mbom, mbom; to joma dumo-aduma obani ma bende ok ine (gin) tara gana; to jok ma ineno gi jok ma ok ine bende nitie.
24.     Jowadwa, ma emomiyo ayie ni piny polo ni kare ober. Iromo ne jok moran kawan gini gi, taka-taka migweyo kod tielo gi, a jopolo romo ni maber mokadho.
25.     To ka in bende diwuor awuora—oo—ka iwuotho to bende to nyaka in’ganjie matin kidogo kama bende. Ok rach, lakini n’ganj-an’ganja ki n’geyo ni pinyni isike—sikie pinyu ka kik idar!

Gik Man E Polo Korgi Simeo

26.     Kuma nyocha adarie ni yawa aneno weche duto. Jok moko iyalo to muodo mach gi dhogi.
27.     Jaduon’g moro nitie, ume bor, ume bor ma nyaka nene pok aneno n’gama ume okadho alama, (to) ti nowan’g ma ume chalo mana—sijui—bende onge gima dan’g apime go! Odhanjore kama to kendo odhi ni-i, odwa chalo ka um nguruwe be, to wan’ge othanyore ka wan’g bim. To mach to omuodo mana gi dhoge; koke be oyombore ma lwete maeni, kar okobo.
28.     Emomiyo nyithindwa, jok matek duto, kik udhaw e pinywa ka, ka udhaw to ufuwo.

Weuru Juok kod Kuo

29.     To jakuo mon’geyo gumbo ni—ii gi pesa wadgi, pesa ikiyo mana, mana ka dhako goyo mbaka gi chuore e ot, koro e ka ilidho moos idhi yawo rangach, n’ge malon’go ni in bende ti atiya tijini e pinyni ma kik idar.
30.     Jakuo mon’geyo gumbo gi dhok to gi tonge, to gi runge, aneno kaka gigumbo e mach. Dhian’g ochuo bund iye to korekodhigo ni—ii to oyuogore. Dhian’g to yuayo go hurrr; dhian’g yuaye gondra---aneno gi wang’a rando kama—a.
31.     Dhako ma jajuok mon’ge himo nyathi dhako wadgi gi juok; moro bende to dhakoni iye wan’g to okawo gimoro odino (ogoyo) godo nyathi dhako wadgi ni bip, a—i—he, kik itho, ka itho to kare Nyasaye ofuwo, ofuwo ka Ondeto. Kik itho nikuop in janek! To nyathino otho, tho ma raracha, tho manende nyathino kia, chakre okinyi koro nyathi go mana ni e—e gi nyingi, isenege, orom kodi. Piny polo bende ok ininyon kata dichiel, onge! Ma e gima awinjo gi ita kabisa—ok ininyon dala ka ruoth, ka Yesu!

Kik Uwe Lemo Nikech Sombu Kata Timbe Piny

32.     Ka owachnu ni mondo ukaw kalatas mar somo, kaw uru akawa. To ka giwacho ni kik ulem to kwergiuru ni somo to wasomo to lemo bende wayie.
33.     To in bende lem, kidagi lemo to item isikie pinyni!
34.     Ka jo pinyni okwer ni kon’go rach, adier chutho kong’o rach. Ka okweri ni kik ichodi, in bende yie kik ichodi.
35.     Ka jo pinyni owacho niya, kik iriambi, in be kik iriambi adieri. To ka giwacho ni riambi, kwergi; bende ka giwacho ni chodi, kwergi. Wachni jokocha okwera kamano!
36.     Ka giwacho ni kik ilem otieno, kwer niya, adhi lemo ma karachni to wan’g aneni mana gi bunde—ibi inega mondo aweni pinyni eni, pinyni pinyi an abaro adhi e polo. Ee, mano kende e kaka onyisa.
37.     Haya jok ma oluor duto tetete ochak chon oaye-aaya wa. Anto ok aluor, an pinyni ang’iewo gi remo.