1. “Ndalo biro ma
ka unune ka Got mane aidho kod wuodani obarore ariyo, ma bathe konchiel odon’g
Milambo to konchiel odok Masawa, to un’ge ni ndalo ochopo. Piny ochomo kar
giko.
2. Magi ok notimre
kapod un gi Wuoda e pinyni, to enoyud ka aseome.
3. Anto ero alor
ewi godni adhi Masawa. Masawa kuno ema aneno ka opedhna pien mayom. Kuno ema
adhi ninde chuth.
4. To un asiemou
kendo anyisou ni kombe mag dolo noluwre mana kaka Wuoda Messiah opangogi ma kik
n’gato loki.
5. Ka uneno ka
Got opogore diriyo, to sikuru e ban’g Pope modon’g e God Milambo. To n’gat
modok e bath Got modhi Masawa to nolal alala kamano gi piny kendo ok none polo.
6. Yaye—aaya—aaya,
mano kuma ginisandie nyithinda malit! Ginimi nyithindwa noke ka rombe maonge
jakwath!
7. To giniked gi
joga mana gi pesa, giniter joga e bura. To kata kamano pesa to ero kayo dende
to aneno ka Emmanuel oloyo lweny kobet e kom loch e polo malo.
8. Un nyithinda,
makuru Rosari gi Misa matek ka utweyo okanda. Saa ma gigi notimre noyud ka
jawuond ma en aten’g-kristo nobed kochako tichne ratiro, kendo en bende noger
ute mag lemo.
9. Noor ajenti
mage ma nyiri kata machuo e kanise mag kanyakla mag jokristo, ma bende achun’g
negi e nyim Nyasach Israel.
10. Ndalogo masiche
nobed man’geny ahinya. Gache noneg ji, to ma, nobed tich jachien. Tuoche
madhero ji maok thiedhre nobi kendo noneg ji man’geny. Adhonde nomak ji maok
changi.
11. To n’gama oyie
kuom Nyasaye gi Jesus Kristus ema piga mar hawi nochangi kolemo.
12. Messiah wuoda
ema pod ogen’go nu jawuondno. To ka aseomo Messiah to jawuondno nobi mapiyo
maok odeko.
13. Tan’guru! Enobi
gi pesa kotin’go kod mwandu mathoth mag pinyni. Magi ema enoywa godo jogombo
ire, to n’gama oluwi molame nolal nono.
14. Jasiguni noyany
nying Nyasaye kendo nobed mana kopuonjo ji yor yudo mwandu mar pinyni.
15. Ajenti mage
noyal wechenegi kagiumore e nying Jesus Kristus Wuoda, mana ka gima gipuonjo
wach Nyasaye. To ginithor yalo mana ni mondo ji olem oyud mwandu mar pinyni.
16. Nokel rieko e
chuny joloch mag piny, kendo wach mar n’gado mon kik nyuol nobed e wan’g piny.
To mano ok nobed puonj Nyasaye.
17. Ka n’gato dwaro
chiko nyuol to kik omuony yath kata ketho dende mar dichuo kata mar dhako gi
rieko mar pinyni. Mano en kedo kod Jachuech.
18. To ka idwaro ni
ibed gi nyithindo manok to go chongi piny ikwa Nyasaye, kaaye to itwe pien gi
dhako e ndalo ma dhako neno duon’gne.
19. Adier Nyasaye
nokony joma kamago e ndalo mar masichego, kendo nomedgi chuny maler mar lemo
masiro jasigu.”